دردشة مع الدكتورة سماح.. هنا حيث تبدأ الحياة.. ?

#هنا حيث تبدأ الحياة..

• هيك منظر الرحم جوّا أجساد الأمّهات.. عم ينحني حنيّة وأمان وكأنو عم يحييّ الزائر الجديد للحياة?
• بتطلع البويضة بعد عمليات معقدة هرمونية وكيميائية وعصبية، بتطلع كأكبر خلية حية مشلولة غير قادرة على الحركة.. بيطّلع عليها البوق بهالمنظر ? وبقلّها تعي لقلبي تعي وعنجد بمسحة حنونة بتسحب هالبويضة لجوّا وبحركة أهداب البوق تتقدم وتتقدم ?
• بهالوقت النطاف المقاتلة بتدخل المهبل، ٢٠٠ ل٥٠٠ مليون نطفة بيدخلوا حرب الوجود ليفنى منهن المريض، الشاذ، الكسلان وكل مين غير قابل للحياة.. بتفنيهم حموضة المهبل، مخاط عنق الرحم وحواجز ومعيقات عديدة..

بيبقى ١٥٠ ل٢٠٠ ألف نطفة فقط لا غير!!?

بيتحركوا بهمتهم وبمساعدة بروستاغلاندينات عاصرة للرحم بتكون موجودة بالسائل المنوي المرافق الهم ومع حركة أهداب البشرة التناسلية بيوصلوا وأخيراً للبوق ببدايتو بمكان اسمو #المضيق وبيوقفوا ناطرين الإشارة!

وهيك وبنظرة ال تعا تعا لعندي ?? من البويضة.. بينجذبوا كيميائياً وبيهجموا كلهن لينجح منهن بطل واحد هوي #أنتَ هلق يلي عم تقرأ مقالي ??

بيدخل وبيفرز إنزيمات معينة ليدخل البويضة وبعدها بيعمل تفاعل مميز اسمو #التفاعل_القشري ليمنع أي نطفة تانية تدخل، بغار الأخ ??

بتتلقح البويضة.. دنا الأب مع دنا الأم لتطلع عنا البيضة الملقحة يلي بعد ٣٠ ساعة من هالعملية العظيمة بتنقسم وبتبلش تتحرك باتجاه بيتها الدافي #الرحم وباليوم الخامس بتفتح هالرحم وبتعشش فيه ?

وهيك بتعلن الحياة بداية حياة جديدة ?

وبيعطي الخالق آية عظيمة على وجوده ، على حبه ، على عظمته ?

ما أقدَس الأمهات! ??

جواتهم منخلق ومن أرحامهم منعيش..

وبحنيتهم ومحبتهم ووجودهم منستمر..

منهم وفيهم بتبدأ الحياة.. وبتنتهي

كنت معكم سَماح صالح محمد ?

المصدر: مرجع النسائية في كلية الطب البشري في جامعة دمشق.