حكايتي: أعاني من مشكلة مع خطيبي

أنا فتاة عمري 25 سنة مخطوبة من 6 شهور وهذه خطوبتي للمره الثانيه، خطيبي جاف معي في التعامل وحصل بينا مشاكل وخلافات كتيرة كنت دائما انا اللي أصالح وأعتذر ولم يعترف أبدا بغلطه صعب عليه أنه يعتذر أو حتى يراضيني بكلمه حلوه يقعد بالايام عادي من غير ما يتطمن علي حتى برساله حتى في أوقات تعبي! الخلافات زادت بينا الفتره الاخيره على موضوع الشقه كان الاتفاق من البدايه وما بين الأهل اني أسكن في المدينة لظروف شغله ولكنه أخبرني أنه سيسافر بره ويجب أن أسكن في الريف في بيت العيله مع العلم أنه لحد الان ليس لديه أي فرصة سفر، خالفته وقلت له أن مستقبلنا وشغلنا في المدينه هنعقد في ريف من غير شغل غير أن ده الرأي فيه يرجع للأهل لانه كان اتفاق ما بينهم من البدايه شافني مش بنت أصول عشان قلت الرأي ده يرجع لاهلي وإني موقفتش جمبه وأنه مش حاسس معايا بالأمان واني مش فيا المواصفات اللي بيتمناها في شريكة حياته واني معملتش اي حاجه حلوه معاه رغم أنه كان بيجي يغلط فيا ويخاصمني وانا اللي ارجع اصالحه كنت دائما بشتري خاطره وعمره ما هان عليا زعله حتي لو هو اللي غلطان وعاوز ينهي الخطبه عاوزه

هل انا كده مش بنت اصول اني موافقتش على وضع مش مناسبني غير أن اهلي مش موافقين وشايفين أنه ده مكانش الاتفاق معاهم من البدايه