التفكير الوردي والايجابي

التفكير الوردي والايجابي عم يصير شوي شوي اسلوب حياة، والداعين اليه كتار، ويتم التسويق اليه بشكل جيد مع أنه عم يؤدي احيانا للاحباط...

كيف يعني!!!

لما عم نمر بعلاقة أو تجربة فاشلة بيجو دعاة التفكير الوردي الايجابي بخبروك خليك إيجابي
لما بنعصب بخبرونا لازم نترفع عن الغضب ...ما بصير نتوتر ... وعيب نخاف...
هذا ما يطلق عليه ""اضطهاد تحت مسمى الإيجابية""
لان لما بتصير المشاعر الطبيعية متل الحزن والالم والغضب والتوتر والخوف.... تسمى مشاعر سلبية وهي بلاساس مشاعر طبيعية وبنحاول ننحيها على جنب ل نعتنق //الإيجابية الزائفة//

رح نخسر !! قدرتنا على تطوير مهارات التعامل مع الامور على طبيعيتها
لان: لما بتحاول تكبت مشاعرك أو تتجاهلها فهي بتصير (( أقوى ))
بتظن انك عم تتحكم بمشاعرك لكن بالحقيقة هي يلي بتكون عم تتحكم فيك ...
مشاعرنا العنيفة جزء من ترابطنا مع الحياة
"" ماني ضد السعادة ولا الإيجابية بالعكس تماما ولكن ضروري نتبنى الإيجابية المنطقية الواقعية يلي بنوصل الها عن طريق ...قبول مشاعرنا قبول مطلق.

فاطمة سمير سعدالدين - اخصائية نفسية