أشعر أنني منبوذة من أهلي ولا أحد يهتم بي

أنا فتاه اعيش مع عائلتي كلهم اكبر مني وانا اصغر وحده بينهم انا وحيده من ناحيه الصداقات ابي شغلته معي انه بس يصرف علي ما شفته بحياتي يجي عندي يسالني عن نفسيتي عن حالي ما ابغى اظلمه بس احس انه يظن ان الاهتمام هو بالصرف علي فقط امي 24 ساعه يا اما في المطبخ او انها على الجوال تتفرج مسلسلاتها لما اقوم الصباح اسلم عليها مثل الروبوت صار السلام عليها مجرد روتين حتى نفس الشيء بالنسبه الى والدي اخواني كلهم كبار وكل واحد مشغول في جامعته او مشغول مع زوجته لما امر في حال صعب ونفسيتي تتعب ما في احد يجي يهتم يسال فيكي شيء تحتاجي شيء ما في احد جاني في يوم وقال لي تعالي فضفضي لي ايش قصتك انا من النوع الكتومه اللي ما تحب تتكلم ياللي بخاطرها وايش هي اللي مضايقها الا لما يجي احد يسال.

كان عندي صديقه تسال علي دائما ودائما تهتم فيني لما تشوفني مو على بعضي تعرف انه فيني شيء وتجي تسال وتصر انها تعرف ايش سبب ضيقتي كنت افضفض لها كنت اشوف انها هي عائلتي هي اللي تسال علي وتهتم لي بعدها سبب قصه حصلت بيننا تركتني من بعدها انا متعشمه باهلي هم اللي يجوا يواسوني ويخففوا عني اللي انا بمر فيه بعض الاحيان احس انهم حاسين انه فيني شيء بس ما يجي احد يسال ايش فيك ابوي، اذا حب يتكلم معي ما عنده الا توجيهات ونصائح ولازم تسوي كذا ومو لازم تسوي كذا طبعا كل هالكلام بعيدا عن سبب حزني امي اذا كلمتني تبي تجي تقول لي تعالي المطبخ ساعديني تعالي كنسي الغرفه تعالي ساعديني راح يجونا ضيوف احنا شكلنا شكل عائله لكن ما في احد يهتم ولا احد يسال ابوي ترك اعمامي بسبب مشاكل حصلت بينهم ولهذا السبب انقطعت علاقتي مع بنات عمي ايضا ونفس المشكله مع خوالي وبناتهم يعني حرفيا ابوي عزلنا عن كل يلي حولنا بالذات انا مالي اخت الا اختي الكبيره اللي تجي كل اسبوع بالبيت عشان تسلم علينا وتمشي ولا مره جت وتطمنت عن وضعي وايش فيني كيفك وشلونك وليش متضايقه احسها تجي بس عشان روتين متعوده على هذا الشيء، ابوي ما عنده الا نقد وصياح في وجهي اذا غلطت وهالشيء قاعد يزيد في قلبي ويزيد على نفسيتي لكني صابره واكتم لانه ابوي ما اقدر ارد عليه واقول له ليش تسوي فيني كذا انا فاقده الاهتمام، نفسيتي تعبانه ولا احد سائل من اهلي ولا احد مهتم اصلا احتاج مساعده واحد يقول لي ايش اسوي عشان اخلي على الاقل واحد من اهلي يسال علي ويهتم ليه.