? دردشة مع الدكتورة سماح.. لكل أم ❤ ❤

?مرحبا مامي ? شيلي عينك عن سنوناتي وخدودي واسمعيني منيح.. بدي أحكيلك توقعاتي لسنواتي الجاية مو بس هالسنة.. وماني متل ليلى عبد اللطيف أنا لاء.. أنا رح احكيلك بالعلم والطب كيف رح تتطور حياتي مع كبري روحياً وحركياً ?

? بالنسبة لقعدتي ببلش أقدر أقعد بالشهر الخامس بس مع مساعدة مخدات وأيدك الحنونة ?

بالشهر السابع بقعد عالأرض وأيديي لقدام.. بالسابع ونص بصير أقدر أقعد لحالي بدون مساعدة ?وبعد الشهر ١١ بصسر بلقوط مامي وحوص وأنا قاعد

?بالنسبة للوقفة بالشهر السادس ببلش محاولاتي وبالتاسع بوقف بس مع أيديكِ وبالعاشر بوقف لحالي 

وكل عمر السنة بدي مساعدتك يا ضنا قلبي لأقدر أمشي ?

?منشان خناقاتنا عمسك الببرونة فمامي أنا ما فيي أمسكها للشهر الخامس وبالشهر السابع بإذن الله بتطور خلافاتنا أنا وأنتِ على مبدأي الثابت أنا وكل الفصاعين بهالعمر #كلشي_بتمسكو_أيدي_بيندحش_بتمي ??لا بينفع معك لا أوعى مامي وكع وعو وما بعرف شو.. لا تحاولي ?

?بصير أقدر لاحقك بنظري على كيفي بس شوي شوي وبال٧ شهور بصير رد وقت تناديلي وببلش أحكي.. بالشهر التاني ها هو هي ?بالتالت بكغي وبحاكيكِ لغة الأطفال اللي غير الله وأنتِ ما حدا بيفهمها ?وللشهر العاشر بقدر الفظ بابا وماما وحبلش ببابا وحتضايقي وتغاري بس والله هي قدرتي رغم أنك الأقرب لقلبي وبجبك كتييير ??

?من الشهرين ببلش أقدر أضحك وبال٣ شهور بميزك يا روحي وبالشهر الخامس بعرف حالي عالمراية وبالسابع بميز بابا بس بحبك أكتر ??

وبين السادس والتامن بتعلق فيكِ وببكي لو حملني حدا غيرك، بغار على حالي من حدا غيرك.. بتعرف على الغربا وبعتبرن أعداء ?وخاصة هي يلي بتلعب بخدودي وبتعيط يا رووووحي ?

بال٨ شهور بصير بفهم كلمة اللا وبرد عليها ?

بال٩ شهور بتغالظ وبعمل حركات غريبة عجيبة ?

بال١٠ شهور بحب اطلع من البيت واعملك باي باي وما بقى خاف من الغرباء وبصير أشرلك عمتطلباتي ?

وبعدين منكملن ببوست تاني..

وبرجع بذكرك قبل البوسة والضمومة أنك أنتِ عمري ?وأني مو بس بكبر معك.. بكبر معك وفيكِ ?

أنتِ الوحيدة يلي بشوف الله فيها والوحيدة يلي بحبها ورح ضل حبها ?

كنت معكم سَماح صالح محمد ?

المصدر :

مرجع الأطفال في كلية الطب البشري في جامعة دمشق. سَماح صالح محمد