دردشة مع الدكتورة سماح رائحة المحبوبة على منصّة العلم ?
- تاريخ النشر: الإثنين، 04 يناير 2021
#رائحة_المحبوبة_على_منصّة_العلم ?
?كان الها ريحة غير.. ريحة تميّزها عن كل البنات.. اشتقتلها واشتقت لريحتها?
فهل بالفعل لكل حدا فينا ريحة مميّزة فيه ولا هالجملة صف حكي بيضحكوا فيه الشباب على عقول البنات ?؟
?بيسعدني ما حطملكم آمالكم وقلكم أي الكلام صحيح علمياً وبالفعل لكل إنسان ريحة خاصة فيه!
التفسير العلمي لهالحالة بأنو نحنا عنا نوعين من الغدد العرقية بجسمنا:
✔الغددة العرقية الناتحة Eccrine
✔ الغدد العرقية المفترزة Apocrine
?الغدد الناتحة بتفرز العرق يلي منعرفو يلي رح يفاجئكم وقت تعرفوا أنو هوي ما الو لون ولا الو ريحة بس وقت البكتريا بتنوجد وبتتفاعل مع موادو الكيميائية بتطلع ريحتو البشعة الكريهة.
الغدد الناتحة هي موجودة بكل أنحاء الجسم لكن بتتركز أكتر شي بمنطقة الإبطين وراحة اليدين وأخمص القدمين ومتل ما منعرف فالعرق الو دور مهم بتنظيم درجة حرارة الجسم .
?الحكاية الممتعة هيي بالغدد المفترزة هي موجودة بمناطق معينة هيي الإبط و المنطقة التناسلية وهالغدد ما بتنشط إلا بعد البلوغ.. الغدد هي بتفرز عرق من نوع خاص مختلف عن عرق الغدد الناتحة.. هالعرق بكون أسمك وبكون مميز باحتواءه على مواد كيميائية اسمها #الفيرمونات.
?الفيرمونات مواد الها تأثير جذب عاطفي لاقوها بتنفرز بكميات كبيرة من الحيوانات أثناء مواسم التكاثر للجذب الجنسي وعم يعتقدوا أنها بتنفرز عند الإنسان لتعطيه ريحة جسدو المميزة وليكون الها دور بالجذب العاطفي والجنسي!
?لذلك وقت بقلكم الإكس أنو اشتقت لريحتك فهوي بالفعل مميز ريحتك الخاصة فيكِ وهيي مأثرة فيه فعلاً ?
ولما بتقولي هالقطعة من ريحة أمي أو ريحة حدا غالي عليي فمعك حق أنو ريحة الشخص بتضل بغراضو ?
حقائق علميّة غريبة بتخلّينا دوماً ننطر العلم بلهفة ليجاوبنا على كتير تساؤلات حلو نعرف إجابتها بشكل منطقي وعلمي.
المعلومات العلمية مصدرها مرجع الأمراض الجلدية والزهرية في كلية الطب البشري في جامعة دمشق.
كنت معكم سَماح صالح محمد ? السنة الأخيرة في جامعة دمشق
