الأسفنجة العاطفية

في أشخاص تماما متل الإسفنجة بس هون عنا ما بيمتصوا مي لا بيمتصوا مشاعر...حرفيا مليئين بالمشاعر

وأكيد الشخص بكون غرقان...ما قادر يتنفس ولا بيعرف من وين كل هالمشاعر أجت ؟؟؟

طبعا يلي بدنا نعرفوا أنو هالشي فيه ميزة أوقات أنو بكونوا أشخاص حاسين بمشاعر الأخرين..

وأوقات بتكون القصة لعنة!

لأنو بيقدروا يشعروا بأوجاع وآلم الآخر بكل معنى الكلمة

ممكن يكون في أشخاص كتير منا أو حوالينا أسفنجة عاطفية، ومع الأسف أقل شعور بيتضخم جواهم بشكل مخيف

هنن بحاجة تعامل خاص (نفهم نتقبل ثقافة أشخاص أسفنجة عاطفية)

المطلوب نفهموا... لو لقينا حالنا هيك:

أنو أنت كإنسان مش مجرد أسفنجة غير عاقلة أو واعية

كل يلي عليك تفهموا أنو تركز شوي بالشي يلي بستحق يبقى ضمن وعيك ونفسيتك وتقدر تسيطر على كل يلي بيدخل جواك وحاول ما يتعدى حواسك الخارجية

وإلا رح تغرق بحاجات تأذيك  

حط حاجز صارم قدام أي شي أو أي إنسان بحاول يعتدي على مساحتك و وجدانك وذاتك حاجز الاحترام .... لكيانك الصغير

لتضمن تحمي قلبك وروحك ووجدانك والأهم نفسيتك

تضلك بخير..  كانت معكم الإخصائية النفسية: فاطمة سعدالدين